بلوچ گلزمین ءِ جارچین

 وش آتکے

|

 Download Balochi Font and view Balochi text uniquely 

|

Dubai 02/12/2009

By: Baloch B.

اماراتءِقومی روچءِدرگتءَبلوچی دیوان

2دسمبر2009 ءَ اماراتءِ قومی روچءِدرگتءَبلوچ کلچرل کونسل(بی سی سی)ءِ سرکشیءَشارجہ کورنیشءَبلوچی دیوانے برجم کنئگ بوت۔اے دیوان ءِ 4 بھر اِتنت۔

  اولی بھر گشتانکی

 دومی بھر بلوچی قومی دوچاپی

 سیمی بھر بلوچی کلاسیکل میوزک

چارمی بھر بلوچی نوکیں سازءُزیمل

 

دیوان ءِ جارچین شوکت ڈگارانی اَت۔ ردءُبند ءُ سرکشی کنوکیں مجلس ء ِتوکا واجہ ناصرکیچی، مراد شاکر، جنیدجاوید، خداداد حیات، اخترتگرانی، میران ڈگارانی-

 کمک کاری مجلسءِ واجہ خمیس بلوچ، ملاشاہ دوست رند، لال مجاھد، عبدالرؤف، رحیم کوری، حسین تاج، چاکرپیدارکی، محمد بالیچائی، راشدتاج، عبدالمجید،

نصیرنزرآبادی ،یوسف لھڈی، نعیم بلوچ، عاوض کوری،عبدالرزاق، عبدالرسول ھاشم، رفیق دیدگ، اصغرچاھسری، ولی رھچار، سلیم گوگدانی ء محی الدین ملیباریءَ کت۔ پدا سعید بلوچءَ گوں سنگتاں امارات ءِ قومی ترانہ گشت۔

 

 دیوانءِ اولی بھر ءَ واجہ جمہ خانءَ وتی گشتانک ءَ امارات ءِ سرکماشاں ءُ امارات ءِ قومءَ اے قومی روچءِ درگت ءَ مبارکی دات ۔دومی گشتانک واجہ ولید بلوچ ءَ دات کہ آئ ءَ امارات حاکم ءُ امارات ءَ قومءَ مبارکی ءُ بلوچانی واستہ اماراتیانی مھر ءُ دوستی بیان کتنت،گڈسرا فرانسءِ طالب علم واجہ ويکٹور ء َبلوچی سازءُ زیمل ءُ دودءُربیدگ ساڑاتنت۔

 دیوان ءِ دومی بھر ءَ واجہ منظور بلوچ ءَ گوں سنگتاں بلوچی قومی دوچاپی ءِ ندارگ کنائینت ءُ چہ دیوان ءَ داد گپت۔

دیوان ءِ سیمی بھر ءَ بلوچی کلاسیکل میوزک پیش کنئگ بوت،واجہ عظیم بلوچ ءَ گوں وتی وشیں توارءَ و واجہ حاجی صدیقءَ گوں پُر زیمریں سرودءَ و واجہ داد محمد ءَ گوں وتی وش زیمریں تمبورگءَ دیوان شیرکن ءُ تامدار کت۔

دیوان ءِ گڈی بھر کہ بلوچی ءِنوکیں  سازءُ زیمل اَت،اے بھر ءَ اماراتءِ نامداریں گشندہ واجہ بخشی بلوچءَ امارات ءِ سرحالءَ  سوت گشت،پدا واجہ صابر چاھسری،سدیر بلوچ ءُ واجہ نزیر بلوچءَ گوں وتی وش ءُتامداریں تواراں دیوان براہ دار کت۔دیوانءِسازندہ واجہ رفیق بلوچ،عطاءاللہ،محمد جانءُاشرف اِتنت۔دیوان ءِ گڈسرا  شوکت ڈگارانی ءَ آسری ءِ جار جت۔