بلوچ گلزمین ءِ جارچین
وش آتکے
|
|
|
بلوچ گلزمین ءِ جارچین |
|
وش آتکے |
|
| |
| | گوانک ٹیوب | | | لبزانک | | | نبشتانک | | | سرتاک |
| |
|
آدینگ 2008/02/15 میران بلاگز یعقوب مھر نہاد: یک دگہ جہد کارئے زوراکیانی آماچ میران بگٹی برے
برے من پگر کناں ءُ بلوچ ءِ کتا ءُ میاراں شوہازاں۔ من ءَ کواہنیں سندھ ءِ یک بادشاہ گیر کیت۔ وھدے پہ پاہوءَ سزا کتگیں یک کتاکارئے ءِ پاہو ءِ ندارگ چارگ ءِ واستہ مھلوک دعوت دیگ بیت۔ بادشاہ ہم کیت پہ ھما کتاکارءِ پاہو ءِ ندارگ چارگ ءَ ۔ کمے دیر ءَ رند یک سپاہی ئے کیت بادشاہ ءَ گوں دزبندی کنت کہ واجہ ما کتا کار آؤرتگ بلے پاہو ءِ ساد ءِ لوپ تنک انت ءُ کتاکار ءِ سر ءُ گٹ مزن انت۔ مارا مرچی موکل دے ما باندا یک دگہ مستریں پاہو ءِ ساد ئےاڈ کنیں گڈا اشے ءَ پاہو دائیں۔ بادشاہ سپاہی ءِ اے گپانی اِش کنگ ءَ رند بد بارت ءُ سپاہیاں بازیں بد دائیگ ءَ رند حکم دنت کہ یلہ دائیت اشے ءَ دگہ یکے بچار اِت ھر کسی کہ پاہو ءِ ساد گٹ ءَ کیت بہ درنچ ایتی۔ سپاہئیگ بادشاہ ءِ حکم ءَ رند آ کتاکار ءَ یلہ داینت ءُ ندارہ چاروکاں چھ یک لاگریں مردے گر انت ءُ پاہو ءَ درنج انت۔ ندارگ چاروکیں مردم چاپ جن انت ءُ بادشاہ وتی بروتاں تاب دنت۔۔۔۔۔۔۔۔۔۔۔۔ مرچاں پاکستان ءُ ایران ءَ چہ کواہنیں سندھ ءَ چہ ھم زالم تریں ءُ بے عقل تریں حاکمانی حکومت انت۔ ءُ بد بہتی ءَ بلوچ چہ کلاں لاگر تر انت۔ اگاں یک نیمگے پاکستان امریکہ ءِ داتگیں ءُ وتی اڈ کتگیں سلاہانی ٹسٹ ءُ چکاس ءِ ھاترا رودراتکی بلوچستان ءَ سیاسی جہدکار ءُ راہ دربرانی نشانگ کنگ ءَ ابید بلوچانی گدانانی سرا بمب گواری کنگ ءَ انت گڈا دومی نیمگ ءَ روایرشتی بلوچستان ءَ ایران ءِ شیطانیں ملا برے یک بہتامے ءَ گوں بلوچاں کرین ءَ درنج انت ءُ پاہو داینت۔ یقوب مھر نہاد کہ بیست ءُ ھشت سالی ورناہ ئے ءُ سھ زھگ ءِ پس انت بیست ءُ شش اپریل دوھزار ھفت ءَ ایران ئے انٹلی جنس گل ءَ دستگیر کتگ۔ دستگیری ءَ رند مزنیں مدتی ءَ تک آ بیگواہ کنگ بوتگ۔ یعقوب مھر نہاد ءِ دستگیری ءَ رند آئی ءِ برات ءُ لہتے سنگت ھم ایرانی ھکومت ءَ دستگیر کتگ انت۔ بلے آ رند ءَ آزات کنگ بوتگ انت ءُ یعقوب ءَ مھر نہاد ءَ زاہدان ءَ شطان تبیں ملاہانی عدالت ءَ پاہو ءِ سزا داتگ۔ یعقوب مھر بہاد پاہو ءِ سزا واستہ زاہدان ءَ بندیگ انت۔ یعقوب مھر نہاد ءِ کتا اش انت کہ آئے ءَ پہ چاگردی دیمروئی ءِ ھاترا بلوچ ورناہانی یک گل ئے اڈ کتگ۔ ایران ءَ چاگردی گل ءِ اڈ کنگ کتا ئے نہ انت بلے یعقوب مھر نہاد بلوچ ئے پمیشکا ایرانی شطانیں ملاہانی چماں اے یک مزنیں کتا ئے ءُ اے کتا ءِ سزا پاہو انت۔ یعقوب مھر نہاد ءِ مات جان بی بی وتی سالونکیں بچّ ءِ سرا اتکگیں سزا ءَ رند باز نا امیت بوتگ ءُ پہ ڈالچاری وتی ورناہیں زھگ ءِگڈی روچاں حساب ءَ انت۔ کدی کدی من پگر کناں کہ ھما مردم کے بوتگ کہ آئے ءَ پہ مزنیں بار چست کنگ ءِ ھاترا کرین اڈ کتگ۔ ءُ پدا من پگر کناں کہ اے لاگریں بلوچ ایرانی ملاہانی چماں پرچہ چو گران انت کہ اشے ءِ پاہو ءِ ھاترا مدام کرین کاربندگ بیت؟ پرے ھاترا کہ بلوچ وتی سرڈگار ءَ یلہ بِد انت ءُ در بروت؟ بلے چش بوت نہ کنت۔ بلوچ وتی ماتیں گلزمین ، ھزارانی سال ءِ راج دپتر ءُ راجی دود ءُ راہ بند اں نہ پنجابی ءِ ترس ءَ یلہ دنت ءُ نہ گجر ءِ بیم ءَ۔ |
ُ |
|
|
|
||
|
یک شمبے 17/02/2008 انچو
کہ پٹھان ڈیورنڈ لائنءَ سرحدےنہ منیت،گولڈسمتھ لائنءَ بلوچ سرحد مہ منیت،
دنیاءَ جرمنیءِ دیوال پروشگ بیت،بلے پہ بلوچءِ بہرءُ بانگ کنگ ءَ
استعمار جاہے دیوال بندیت،ءُ جاہے چر بُریت،جاہے بالاچ نمیران بیتءُ جاہے پہ
یعقوبءَپاہوساڑی انت. رامین تربت |
||
|
|
||
|
شمبے 16/02/2008 بلوَچ ءِ کتا باز انت۔ بلے بلوچ ءِ مستریں کتا اش انت کہ آئے ءِ زمین گوں وتی نیل بومیں زر ءَ دگنیا شرتریں ءُ تچک تریں کشک ءِ سرا انت۔ دومی مستریں کتا اش انت کہ بلوچ ءِ گلزمین ءَ ھمک قدرتی مال ءُ مڈی ھست۔ سہمی کتا اش انت کہ بلوچ غلامی نہ منّ ایت۔ چارمی کتا اش انت کہ بلوچ مسلمان ئے بلے وت ءَ را بلوچ گشیت۔ ظاہر انت اگاں مرچی بلوچ ایران ءَ یک گل ئے اڈ کنت۔ باندا جلوس ئے کشیت پونشی آزاتے ءِ جار ءَ پرین ایت۔
ایران ءِ گجر ءُ پاکستان ءِ
پنجابی اے گپ ءَ شری ءَ سرپد انت کہ بلوچ ءِ آزاتے ءِ مانا ھمیش
انت کہ پہ چنڈے نان ءَ بلوچ ءِ محتاج ببے پرچہ کہ پنجابی ءُ گجر ھر دویں بلوچ
سرڈگار ءِ مال ءُ مڈیاں چھ سیر لاپ انت اگاں اے مال ءُ مڈیانی واجہ پدا
بلوچ ببیت گڈا پنجابی ءُ گجر چے ور انت؟۔ |
||
|
|
||
|
شمبے 16/02/2008 ایران ءَ یعقوب مھر نہاد اولی بلوچ نہ انت کہ آئے ءَ ملاہانی ھکومت ءَ پاہو ءِ سزا داتگ۔ چد ءُ ساری ھم ایران بلوچان ءَ مفت ءُ ناحق کرین ءَ درتکگ ءُ پاہو داتگ۔ بازیں بلوچانی دست ءُ پاد بُر اتگ انت۔ ایران ءَ رستریں ملاہانی ھکومت انت۔ اے رسترانی بس یک علاج ئے اشاں بنی آدم ءَ چھ دور جنگل ءَ بر ءُ یلہ بدے ہمل بلوچ گوادر |
||
|
|
||
|
|
